某些喜好習慣，隨時間而改變。
1) 小朋友，十個中有九個都不愛吃芫茜，我也不例外。大概到十一、二歲吧，某天忽然不抗拒那種味道，而且吃得津津有味，現在，我可以一人獨吞一鍋芫茜皮蛋湯 !
2) 皮蛋是其二，基本上皮蛋瘦肉粥是光顧粥店的首選。
3) 牛油。小時候極討厭，吃了會想吐，茶餐廳的牛油方包，我一定轉送給老爸。現在嘛，才了解它的香味，粟米、班戟、曲奇都是配角，沒有牛油香（尤其是全脂!），驟然失色。
4) 豬大腸。近年變了麻甩，車仔麵絕配。
5) 杏霜/杏仁茶。以往會將味道與天拿水掛勾，現在有時會為它奇特的香氣而心癢。
想到再寫。
1 則留言:
1)可能我年紀仲細啦~ XD 所以我到依家都唔鐘意食芫茜~ 但係芫茜皮蛋湯都會飲...隔走d茜先~
2)皮蛋真係好好味架~ 不過早幾年聽聞有個研究話食皮蛋會損害個腦, 會變蠢喎~ 所以我為免更加蠢, 已經少食~ 不過如果佢出現晌我面前...我會忍唔住~ 咬~
3)我同妳剛好相反, 其實我都幾反覆~ 細個時唔鐘意食牛油, 覺得佢好臭, 又可能件方飽唔新鮮~ 後來唔知幾時好鐘意食, 次次用多士爐前都會將方飽兩面都搽滿牛油, 好香脆~ 不過哩幾年我又覺得牛油好臭...(除左整餅之外~)
4)超鐘意食豬大腸~ 自從細細個跟媽媽去置樂買餸, 佢見到有炸大腸就買左兩串, 哩次係我第一次食大腸, 已經愛上佢~
5)杏霜絕對唔同天拿水啦~ 好好味架~ 尤其熱飲呀~ 不過外面茶餐廳成日都沖得好甜...
發佈留言